Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 27.38 | Dem. 27.43 (English) | >>Dem. 27.46 |
27.41νῦν δʼ ἀπαιτοῦντος ἐμοῦ καταλειφθῆναι μὲν ὁμολογοῦσιν , αὐτὰς δʼ οὐκ ἀποφαίνουσι . ταῦτα δὲ ποιοῦσι τό τε πλῆθος οὐ βουλόμενοι καταφανὲς ποιῆσαι τῆς οὐσίας τὸ καταλειφθέν , ὃ διηρπάκασιν οὗτοι , τάς τε δωρεὰς ἵνα μὴ δοκῶσιν ἔχειν , ὥσπερ οὐκ ἐξ αὐτοῦ τοῦ πράγματος ἐξελεγχθησόμενοι ῥᾳδίως . λαβὲ δʼ αὐτοῖς τὰς μαρτυρίας ὧν ἐναντίον ἀπεκρίναντο , καὶ ἀνάγνωθι .οὗτος διαθήκην μὲν γενέσθαι φησίν , καὶ τὰ δύο τάλαντα Δημοφῶντι καὶ τὰς ὀγδοήκοντα μνᾶς τούτῳ δοθῆναι μαρτυρεῖ · τὰς δʼ ἑβδομήκοντα μνᾶς , ἃς Θηριππίδης ἔλαβεν , οὐ προσγραφῆναί φησιν , οὐδὲ τὸ πλῆθος τῆς οὐσίας τὸ καταλειφθέν , οὐδὲ τὸν οἶκον ὅπως μισθώσουσιν · οὐ γὰρ αὐτῷ συμφέρει προσομολογῆσαι ταῦτα . λαβὲ δὴ τὴν τούτου ἀπόκρισιν .οὗτος αὖ τὴν μὲν διαθήκην γενέσθαι φησίν , καὶ τὸ ἀργύριον ἐκ τοῦ χαλκοῦ καὶ τῆς κηκῖδος ἀποδοθῆναι τῷ Θηριππίδῃ , ὃ ἐκεῖνος οὔ φησιν , καὶ τὰ δύο τάλαντα τῷ Δημοφῶντι · περὶ δὲ τῶν αὐτῷ δοθέντων γραφῆναι μέν φησιν , οὐχ ὁμολογῆσαι δʼ αὐτός , ἵνα μὴ δοκῇ λαβεῖν . τὸ δὲ πλῆθος τῆς οὐσίας οὐδʼ οὗτος ἀποφαίνει καθόλου , οὐδὲ τὸ μισθοῦν τὸν οἶκον · οὐδὲ γὰρ οὐδὲ τούτῳ συμφέρει προσομολογῆσαι ταῦτα .
27.44δῆλον τοίνυν ἐστὸν οὐδὲν ἧττον τὸ πλῆθος τῶν καταλειφθέντων , καίπερ ἀφανιζόντων τούτων τὴν οὐσίαν ἐκ τῶν διαθηκῶν , ἐξ ὧν τοσαῦτα χρήματʼ ἀλλήλοις φασὶ δοθῆναι . ὅστις γὰρ ἐκ τεττάρων ταλάντων καὶ τρισχιλίων τοῖς μὲν τρία τάλαντα καὶ δισχιλίας προῖκα δέδωκεν , τῷ δʼ ἑβδομήκοντα μνᾶς καρποῦσθαι , φανερὸν δήπου πᾶσιν ὅτι οὐκ ἀπὸ μικρᾶς οὐσίας , ἀλλὰ πλέον ἢ διπλασίας ἧς ἐμοὶ κατέλειπεν ταῦτʼ ἀφεῖλεν .
Μαρτυρίαι
27.42
Μαρτυρία
27.43
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 27.38 | Dem. 27.43 (English) | >>Dem. 27.46 |